Wednesday 14th April 2021

    केपी ओली एमालेका अन्तिम प्रधानमन्त्री : कण्डेल    अध्यक्ष ओलीले माधव नेपाल र भीम रावललाई गरे कारवाही, ६ महिनाका लागि पार्टीको साधारण सदस्यबाटै निलम्बन    ऐम्नेष्टी इन्टरनेशनल नेपाल समुह -३१ परासीको २४ औ बार्षिक साधारण सभा सम्पन्न    सरावल गाउँपालिकाद्वारा हाेमस्टे सन्चालन सम्बन्धि तालिम सुरु    काङ्ग्रेसद्धारा शुभकामना आदानप्रदान तथा कार्यकर्ता भेटघाट कार्यक्रम सम्पन्न

केपी ओली एमालेका अन्तिम प्रधानमन्त्री : कण्डेल

२०७७ चैत्र २३, सोमबार सुस्तानेपाल .कम

काठमाडौं– प्रमुख प्रतिपक्षी दल नेपाली कांग्रेसका सांसद देवेन्द्रराज कँडेलले केपी शर्मा ओली नेकपा (एमाले)को अन्तिम प्रधानमन्त्री भएको टिप्पणी गरेका छन्।
प्रतिनिधिसभाको आज सोमबारको बैठकको शून्य समयमा उनले ओलीले ०७४ सालको चुनावताका शेरबहादुर देउवा कांग्रेसको अन्तिम प्रधानमन्त्री भनेर भाषण गरेको सम्झिँदै भने, ‘एउटा पार्टीको नेताका अभिव्यक्ति हामीले सुन्यौं भने लाज लाग्छ। आफ्नै पार्टीका सहकर्मीलाई पन्छाउँदै अघि बढ्नुभएको छ केपी ओली। उहाँलाई कुर्सीको पीडा छ। जसरी उहाँले गोरखामा अभिव्यक्ति दिनुभएको थियो, त्यही शब्दमा भन्ने हो भने र यस्तै रह्यो भने सायद एमालेको अन्तिम प्रधानमन्त्री केपी ओली नै रहनेछन्।’

अहिलेको सरकार संविधानको धारा ७६ (१) अनुसार बनेको बताउँदै उनले धारा १०० को २ मा प्रधानमन्त्रीको दल विभाजित भएमा वा समर्थन फिर्ता लिए ३० दिनभित्र विश्वासको मत लिनुपर्ने बताए।

‘आज ३० दिन भयो। हिजो एमालेले विश्वासको मत लिएको होइन। हामी अहिले एमाले चिन्दैनौं। अलिकति पनि उहाँमा जनमत छ, दलहरुको समर्थन छ भन्ने हो भने विश्वासको मत लिने कि नलिने ? दल विभाजित भएपछि विश्वासको मत लिनैपर्छ,’ उनले भने।


en_USEnglish