Tuesday 11th May 2021

    केपी ओली एमालेका अन्तिम प्रधानमन्त्री : कण्डेल    अध्यक्ष ओलीले माधव नेपाल र भीम रावललाई गरे कारवाही, ६ महिनाका लागि पार्टीको साधारण सदस्यबाटै निलम्बन    ऐम्नेष्टी इन्टरनेशनल नेपाल समुह -३१ परासीको २४ औ बार्षिक साधारण सभा सम्पन्न    सरावल गाउँपालिकाद्वारा हाेमस्टे सन्चालन सम्बन्धि तालिम सुरु    काङ्ग्रेसद्धारा शुभकामना आदानप्रदान तथा कार्यकर्ता भेटघाट कार्यक्रम सम्पन्न

चिसोबाट जोगिने उपायहरु

२०७६ पुष २६, शनिबार सुस्तानेपाल .कम

जाडो महिनामा सबैभन्दा ठुलो चुनौती भनेकै चिसोबाट बच्नु हो । चिसोले गर्दा धेरै मानिसहरु बिरामी पर्ने गर्छन् । चिसोले बालबालिका र बृद्धहरुलाई बढि प्रभावित गर्ने गर्दछ । कतिपय मानिसको चिसोको कारण मृत्यु हुने गरेको हामीले समाचारहरु सुन्दै आएका छौं । त्यसैले चिसोबाट कसरि बच्ने जानकारी हुनु आवश्यक छ ।

चिसोबाट कसरी बच्ने ?

झोलिलो पदार्थ चिसोमा झोलिलो पदार्थ सेवन गर्नुपर्छ । तातो पानी, बेसार पानी, दुध, कालो चिया, कागती चिया, कफि तथा केही मात्रामा दुध चिया पनि खान सकिन्छ । लगातार तातो पानी पिउने तथा वाफ लिने गर्न सकेमा चिसोबाट केही मात्रामा सुरक्षित हुन सकिन्छ ।

न्यानो कपडा चिसोमा न्यानो हुनका लागी बाक्लो कपडामा लगाउनुपर्छ । एकछिन चिसो सहन सकिन्छ भनेर पातलो कपडा प्रयोग गर्दा यसले दीर्घकालीनरुपमा असर गर्न सक्छ । त्यसैले न्यानो कपडा तथा टोपी लगाउनुपर्छ ।

कोठालाई न्यानो बनाउनु पर्छ । तर न्यानो बनाउने सोचमा कोठाको झ्यालढोका बन्द गरेर राख्न हुदैन ।

तेल मसाज चिसो समयमा शरिरका विभिन्न भागहरु दुख्ने, झमझमाउने जस्ता समस्याहरु हुने गर्दछन् । त्यसैले तोरीको तेल मनतातो बनाएर मसाज गर्दा यसले केही हदसम्म दुखाई कम गर्छ । सकेसम्म न्यानो ठाउँमा बसेर तेल मसाज गर्दा चिसोको असर कम हुन्छ ।

बालबालिकालाई तेल मसाज चिसो समयमा बालबालिकाको हेरचाह सबैभन्दा महत्वपूर्ण हुन्छ । चिसोले गर्दा बालबालिकालाई निमोनिया लगायतका समस्याहरु देखापछर्न। त्यसले चिसोबाट राहत पाउनका लागी तेल मसाज गर्नुको साथै न्यानो कपडा लगाइदिनुपर्छ ।

धेरै न्यानो कपडाले पसिना आउने र त्यसलाई सफा नगर्दा फेरि पनि निमोनियाको डर हुने भएकाले घाम लाग्दै जाँदा शरिरमा भएका न्यानो कपडाहरुको संख्या घटाउने तथा बेलाबेलामा कपडा खोलेर पसिना आएको नआएको हेर्ने गर्नुपर्दछ । पसिना आएमा कपडा फेरीदिनुपर्छ ।

मर्निङ वाक नगर्ने काठमाडौंको वातावरण निकै प्रदुषित भएकाले चिसोमा मर्निङवाक गर्दा यसको नकारात्मक असरले विभिन्न प्रकारका रोगहरु लाग्न सक्ने सम्भावना भएकाले मर्निङवाक नगर्नु राम्रो मानिन्छ ।

स्वास्थ्य जाँच चिसोबाट घरेलु रुपमा बच्ने कोशिष गर्दा उपलब्धि नभएमा, रुघासँगै ज्वरो तथा टाउको दुख्ने समस्या भएमा तत्काल स्वास्थ्य संस्थामा जानुपर्छ । ’


en_USEnglish